Na gwës drãgą robòtą je badanié mitologie. Chòcbë më miele przeczetóné wszëtczé knédżi ò słowónsczi mitolgie i tak mómë przed òczama niepôłny òbrôz ë do tegò zamazóny dôką niegwësnotë, cze to naprôwdã tak wezdrzało. Jô spróbùjã pòkazac ten òbrôz z jak nôwikszą lëczbą elemeńtów, wząc pòd ùwagã kòżdi detal ë jak nôbażi rozwiac wpòmnianą dôkã.

Za zaczątkù równak òpiszã, dlôcze tak môłô wiemë ò wierzeniach najich przodków.

1.Pò pierszé niewielu lëdzy òpisiwało zwëczi naszégò lëdu. Ògreńczo sã to do czilu Biznatijsczëch kronikarzów ë jinech dzejopisôrzów, chterny stronile òd pògańsczich zwëków Słowiónów (móm tuwò na mesli òsoblewò Galla Anonima). Równak wedle mie nie blós to je pòwòdã tak môłi wiedze ò mitologie.

2.Jak wiadomò Słowiónie to baro wiôldżé karno lëdzy. Jeżle wiôldżim to i bënowò baro pòdzelónym.

Ni móm tuwò na mesli pòdzélu na Słowión pôłniowëch, zôpadnëch, pòrénkòwëch etd., nie chòdzy nawetk ò pòdzél na plemniona.  Weznawcë Swiãtowida ë Welesa nie mielë nigdë niżódny jinstitucëji. Coprôwda bëła pòdjãto jedno próba, ale nie długò pòtemù przëszła jina jinstituceja- Kòscół. Jeżlë ni mô jinstituceji, pismieniznë, ni mô prôwd wiarë, zasadów moralnëch; kòżden kapłan (żerca) mógł lëdzom gôdac to, co jemù sã widzy (czãsto téż to, co daje mù zësk). Temù kapłanowie w kòżdi swiątinie perznã zmieniale weòbrażenia bóstw ë pùzni lëdze i tak wszëtkò co czële jesz barżi na swòje przekrãcywale… Dlôtë ni mògã rzec, że, np. wiłë to białczi ò jasnëch, złotëch klatach, bò w jedny wsë wierzelë, że mô òna złoté klatë, w jiny, że zelóné. A tuwò mówiã ò môlach pòłożónëch czile kilométrów òd se, w taczim raze, jak różniłë sã wierzenia lëdzy z dzysdniowi Ùkrajinë òd tëgò, co bëło w Czechach… A całi czas są to Słowiónie.

Dlôtë téż rozmajité pòdania sã òd sebie różnią ë móme do czenieniô nie z jedną mitologią, le z pôrama. Je równak i belno starna tegò stanu. Dzãka temù słowiónsczé lasë zamieszkiwają setczi stwòrzeniów, w fantazje Słowiónów rzéczi, mòrza, bòrë, lasë, górë, jezora fùl są pòstacejów, jaczé so cãżkò weòbrażec. To za to lubiã naszą mitologiã- w procemstwie do Wszechòbecny mitologie Grecczi (brrr) dëchë są westrzód lëdzy, w lësë, kòl słowiónsczi chëczë. Nie mieszkają na wëspie Cyklopów, do jaczi i tak nie dotrzemë le żëją westrzód naju, przez co kòżdo wies mô jiné dëchë i je jich niezlëczonosc.